Hainbat diziplinatako ikuskizunak eskainiko dituzte herriko zenbait txokotan: kontzertuak eta antzezlanak bereziki. Gainera, Amurrio Got Talent lehiaketa antolatu du tokiko erakundeak. Parte hartzaileek bideo bat grabatu eta bidali beharko dute abuztuaren 15a baino lehen, Whatsapp bitartez 665 712 802 zenbakira edo amurriogottalent2020@gmail.com helbidera.
Ekitaldiek edukiera mugatua izango dute eta ikusleek eserita egon beharko dute nahitaez, udalak zehaztu duenez. Garbiketa neurri gehiago egongo dira. Ikuskizunen zerrenda luzea da:
- Abuztuak 8 // Aukerak kaleko antzerkia The Funes Troup taldearekin, 20:00etan Juan Urrutia plazan
- Abuztuak 9 // Bach en el espejo Conductus Ensemble, Buxtehuderen, Pachelbelen, J. C. Bachen eta J. S. Bachen obrak (Musika Hamabostaldiaren luzapena), kontzertua 20:00etan Amurrio Antzokian
- Abuztuak 12 // Baserriko produktuen azoka 10:00etan Juan Urrutia plazan
- Abuztuak 13 // Musika Eskolako folk taldearen kontzertua 19:00etan Villa Fen
- Abuztuak 14 // Frescool Tio Tenoren Semeak, dantza ikuskizuna, 20:00etan Juan Urrutia plazan
- Abuztuak 14 // Carl I & I+Aiaraldeko Sound System, kontzertua 21:00etan Juan Urrutia parkean
- Abuztuak 15 // Ez da kasualitatea, bertso saioa, 20:30ean Juan Urrutia plazan
- Abuztuak 15 // Su a Feu, Deabru Beltzak taldearen ikuskizuna, 22:00etan Juan Urrutia parkean
- Abuztuak 16 // Amurrioko Txistuzaleak, 11:30ean herrian zehar
- Abuztuak 16 // Turistreando. Trapu zaharrak taldearen kaleko antzerkia, 20:00etan Juan Urrutia plazan
- Abuztuak 16 // Chiki Loraren kontzertua, 21:00etan parkean
- Abuztuak 17 // “Al otro lado” Zanguango, kale antzerkia. 20:00etan Juan Urrutia plazan
- Abuztuak 17 // Viernes 6 taldearen kontzertua, 21:00etan parkean
- Abuztuak 22 // Xaiborren diskoteka ibiltaria, 20:00etan
Gaurtik aurrera, amurrioar etxeetan, abuztuko programazioaren diptikoaz gain, Iguarrakoren irudia banatuko da papiroflexian egiteko. Hemen argibideak:
Irailean Magialdia
Gainera, irailaren 7an Magialdiaraba Amurriora iristea dago aurreikusita, 7 eta 12 urte bitarteko adingabeentzako tailer, animazio eta magia ikuskizunekin. Bestalde, irailaren 18an Blues Morning Singers taldearen kontzertua dago programatuta.