Kultur sorkuntza Aiaraldean

"Benetakoen artean" abestia plazaratu du Jone Urruelak

Benetakoen artean izeneko kanta plazaratu du Jone Urruela musikari amurrioarrak. 

Hau da kantaren letra:

Bazen behin 
neskato oso oso txiki bat,
hain txikia zen
ez zela ezta eskua altxatzera ausartzen.
Ikusezina sentitzen zen
garrantzirik gabeko zerbait bezala
tokitik mugitu ez arren,
inori inporta ez balio bezala.
Klaseko atzeko partean esertzen zen
isilik, zintzo
begirada eta barretxoak
bere burutik atera nahi eta ezinean.

---

Bere buruari esaten zion
den-dena aldatzear zegoela
bera ez zela errudun
arazoa besteek zutela.
Ta horrela, ezustean,
pertsona berri bat agertu zen bere aurrean
benetako lagun bat
guztia argitu zuena.

Beldurrak atzean utzi ditu behingoz,
beldurrak atzean utzi ditu. (Bis)

Gaur, harrotasunez
begiratzen du atzera
min egin ziotenei 
irri eginez ta aurrera.
Orain bai aitor dezake
zoriontsu bizi dela,
indartsuagoa dela
benetakoen artean.

Beldurrak atzean utzi ditu behingoz,
beldurrak atzean utzi ditu. (Bis)

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide