Aiaraldea Hedabideak emanaldia grabatu du eta bihar egongo da osorik ikusgai Aiaraldea.eus atarian.
Emanaldia eskaini du Amurrioko Musika Eskolako Folk Taldeak gaur arratsaldean. Musikariek ezohiko oholtza hautatu dute emanaldia eskaintzeko: Villa Fe "indianoen etxeko" atarian jo dute, eta bertako lorategian barreiatuta eseri dira ikusleak.
Jose Maria Iparragirreren kanta baten moldaketarekin hasi dute kontzertua, eta beste hainbat abestiren bertsioak jo dituzte jarraian, biolina, kutxa, akordeoia, txistuak eta gitarra baliatuz, besteak beste. Ordubete inguru iraun du saioak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.