Irailaren 1tik 13ra egongo da Amurrioko hiribildua arte sariketan parte hartzeko epea. La Casonan entregatu beharko dira lanak, 10:00etatik 14:00etara. Sariak, aldiz, irailaren 25ean banatuko dira, La Casonan egingo den inaugurazio ekitaldian, 19:00. Bertan egongo dira ikusgai sariketatik aukeratutako artelanak, hilabete batez.
Parte hartzaile bakoitzak bi artelan aurkeztu ahalko ditu gehienez. Duela denbora gutxi egindakoak izan beharko dira, eta aurretik beste lehiaketa batean saritu gabeak. Bi dimentsioko lanek 150x150 zentimetro neurtu ahalko dute gehien jota. Hiru dimentsiokoek, aldiz, ezingo dute metro kubiko bat baino gehiago okupatu.
6.500 euro saritan
Lehen saria 4.000 eurokoa izango da eta bigarrena 1.500 eurokoa. Horrez gain, 1.000 euro emango zaizkio lanik onena egin duen amurrioarrari.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
