Iker Larrazabalek debuta egingo du kategoria profesionalean Amurrion azaroan, Baiko enpresaren eskutik

Iker Larrazabal amurrioarra, artxibo irudi batean. / Aiaraldea.eus

Iker Larrazabal amurrioarrak aste honetan jakin izan du Baiko enpresak profesionalen artean kokatuko duela eta bere lehenengo partida bere herrian jokatuko duela.

Iker Larrazabal gazte amurrioarrak debuta egingo du azaroan pilotako maila profesionalean. Baiko enpresarekin egingo du eta, antza, Amurrion bertan izango da partida. 2. mailan hasiko da jokatzen 18 urteko pilotaria. Bikoteka eta 4 eta 1/2an arituko da hastear dagoen denboraldian.

Pozik badago ere, lasai dagoela azaldu dio Larrazabalek  Aiaraldea Hedabideari: "Denboraldi honetan nire helburua izango da ondo jokatzea, gozatzea eta, aukera badago, irabaztea".

Amurriorrak uste du ardura gehiago izango duela eta bizitza aldatuko zaiola, baina ez hainbeste: "Orain arte bezala, asko entrenatu beharko dut, astelehenetik ostegunera, eta larunbat eta igandetan jokatu".

Urte borobila

Pandemiak eragin handia izan du pilotan eta Iker Larrazabalek iritzi du arraroa dela frontoiak hutsik ikustea. Hala ere, berak uda bikaina osatu du eta hainbat txapela eskuratu berri ditu: Arabako Herri Arteko Txapelketakoa, Andra Mari Zuria Txapelketakoa eta Arabako 4 eta 1/2ko Txapelketakoa.

Hori erabakigarria izan da urratsa emateko profesionalen norabidean: "Ondo entrenatu dut eta ondo jokatu dut. Nire kideek ere ondo egin dute eta txapela ugari irabazi ditut. Hori ikusi du enpresak".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide