Amurrioko Gaztetxeko makinaria guztia jarri dute martxan lan egunari esker

Aimar Gutierrez Bidarte 2020ko abenduaren 10a
Deskargatu Info Ahotsak :

Gaztetxeko hainbat espazio atondu zituzten Amurrioko Gazte Asanbladako kideek abenduaren 8ko lan egunean.

Lan eguna egin zuten asteartean Amurrioko Gazte Asanbladako kideek gaztetxeko hainbat espazio atontzeko helburuarekin.

Ikasgela proiektua izan zen lan eguneko ardatz nagusietako bat. Amurrion ikasleentzako dagoen baliabide faltaren aurrean hilabeteak daramatzate lanean Gazte Asanbladak eta Ikama ikasle antolakundeak, herriko ikasleentzako espazio bat antolatzen.

Entsegu lokala ere prestatu dute, herriko musikariek erabili dezaten. Gainera, gitarra tailerrak eskainiko dituzte gaztetxean, igandero 12:00etan.

Amurrioko Gaztetxeak proposamen eta erabilera berriei ere zabaldu nahi dizkio ateak. Bertan edozein proiektu aurrera atera nahi duen gazte orori luzatu diote asanbladarekin harremanetan jartzeko deia.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide