Pablo Masek eta Laura Hidalgok irabazi dute Oinkariaken kirol erronka

Izar Mendiguren Cosgaya 2021ko urt. 8a, 11:31
Reforretik Alemanen ikastetxerainoko bidea osatu behar zuten lasterkariek. / Ruben Ladron Diaz de Gebara

10 kilometroko erronkarekin hasi du urtea Oinkariak Atletismo taldeak. Pablo Masek lortu du emaitzarik onena, 10 kilometroko zirkuitua 33:34 minutuan osatuta.

Urtarrilak 6 arte iraun du Amurrioko Oinkariak taldearen atletismo erronkak. Refor industriagunean egokitu zuten zirkuitua, eta track bidez zabaldu. Hala, partaideek euren denbora markak bidali dituzte taldera, eta modu horretan osatu dute sailkapena.

Podiumak

Emakumeen artean Laura Hidalgok, Irati Luzuriagak eta Txari Baladok lortu dituzte denborarik onenak. Gizonezkoen kategorian, berriz, Pablo Mas, Jon Durana eta Jagoba Robles gailendu dira. Pablo Masek lortu du markarik lasterrena, 33:34 minuturekin. Hemen ikusi daiteke sailkapen osoa.

Oinkariak taldekoek eurekin harremanetan jartzeko eskatu dute, "klubeko kideren batekin zuzenean edo posta elektroniko honen bidez: atletismo.oinkariak@gmail.com, Zerbait daukagu zuentzat!".
 
Ekimenaren balorazio positiboa
 
Ildo beretik, eskerrak eman dizkiete partaide guztiei. "Eskerrik asko erronka honetan parte hartu duzuen guztioi. Ez gara hemen geldituko eta horrelako ekintza gehiago antolatuko ditugu maite dugun kirol honetaz gozatzeko". Zentzu horretan, Atletismo Oinkariak taldearen sare sozialetan plazaratuko dituzte berriak, erantsi dutenez. 
 
Kirola Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide