"Familian euskaraz gozatzeko ekintzak" egingo dituzte datorren ostiralean Amurrion, otsailaren 5ean hain zuzen. Oraingoan, hiru tailer proposatu dituzte: itzal txinatarrekin jolastea, gorputz perkusioa ikastea eta munduko dantzekin dibertitzea.
Pandemiak baldintzatuta egonik, euren jarduna moldatu behar izan dute. Hala jakinarazi du Berbalagun egitasmoak, hurrengo ekintzari begira hartutako neurrien bidez: "Ekintzak Amurrioko Katekesi aretoan izango dira eta bertan COVIDaren aurkako prebentzio neurriak beteko dira, espazio segurua, talde txikiak...". Hargatik, ezinbestekoa izango da aurrez izena ematea. Horretarako Whatsapp aplikaziora mezua bidali beharko da, edota 607 673 744 telefono zenbakira deitu.
Oraingoan, hiru tailer egingo dituzte otsailaren 5ean: itzal txinatarrena, gorputz perkusioarena eta munduko dantzena. Hiru saiotan banatuko dituzte partaideak, orduka
Tailer beraren hiru saio
Berbalagun ekimenaren barruan kokatzen da Gurasolagun programa. Familia giroan euskaraz aritzeko jarduerak antolatzen dituzte eskualdean. Euskal Herriko beste zenbait txokotan ere garatzen da egitasmoa, AEKk sustatuta. Orain arte hanbat ekimen burutu dituzte: eski irteerak, leizezuloak ezagutzeko txangoak, tailerrak...
Pandemiak eta mugikortasun neurriek baldintzatuta, baina, hiru saio aurreikusi dituzte. Lehenbizikoen txanda 17:00etan izango da, hurrengoa 18:00etan eta azkena 19:00etan: