2020. urtearen balantzea egin du Laguntzak. 110 tona elikagai banatu zituen elkarteak guztira iaz. Horietako 11 tona taldearen baliabide propioekin eskuratu zituzten, dohaintzen edota arropategiaren bidez lortutako diruarekin.
Urte gorabeheratsua izan da 2020a elkarteko kideentzat. Pandemia dela eta, uko egin behar izan zioten apirilean elikagai banaketa egiteari. Maiatza, ekaina eta uztailean, aldiz, ohikoan baino 23 familia gehiago lagundu zituzten. Hala ere, gorakada hori puntuala izan dela nabarmendu dute elkarteko kideek, abendurako ohiko kopuruetara ituzli baitziren. “114 familia laguntzen ditugu guztira, 420 pertsona. 0-2 urte bitarteko haurrak dira horietako 18”, azaldu dute.
Laguntzako kideek nabarmendu dute elkartekoak ez diren pertsonen laguntzari esker egin ahal izan dituztela banaketak. Izan ere, taldeko zenbait kide arrisku taldean daudela eta, ondorioz, ezin izan dute parte hartu.
Arropategia, aldiz, martxotik ekainera egon zen itxita. Arau bereziekin berrireki zen, COVID-19aren aurkako prebentzi beurriak betetzeko.
Abenduaren 23an, aldiz, jotsailu banaketa egin zuten, eta oso arrakastatasua izan zen, elkarteko kideen esanetan.