Amurrioko plaza bete dute Tubacexeko langileek

Bost egun bete dituzte gaur Tubacexeko langileek greba mugagabean. Martxa egin dute goizean, Amurrioko lantegitik herrigunera, zuzendaritzak ezarri nahi dituen 150 kaleratzeen aurkako aldarria zabaltzeko.

Datorren asterako deialdi ugari egin ditu Enpresa Batzordeak, greba mugagabeari jarraipena emateko. Astelehenean -otsailak 22- Laudioko lantegiaren aurrean jarri dute zita, 8:30ean. Mobilizazioa egingo dute bertan pentsiodunekin. Asteartean "elkarretaratze handia" egingo dute toki eta ordu berean. Asteazkenean, aldiz, Bilbora joango dira, elkarretaratzea egingo baitute Euskadi plazan 12:30etatik 14:30etara. 

Atzo izan zen zuzendaritzaren eta Enpresa Batzordearen arteko lehen bilera, Enplegua Erregulatzeko Espedientearen inguruan hitz egiteko. Aurreikusi zitekeen bezala, ez zen adostasunik erdietsi bi aldeen artean. Enpresako buruak kaleratzeen alde lerrokatu ziren berriz ere, eta langileen ordekzariek neurri koiunturalen aldeko defentsa egin zuten. 

Hainbat protesta ekimen egin dituzte beharginek aste honetan zehar. Atzo "entzierroa" egin zuten, Laudioko lantegiko gerentearen dimisioa eskatzeko:

Duela astebete abiatu zuten Tubacexeko langileek 150 kaleratzeen aurkako borroka zikloa. Ostegunean egin zuten lehen greba eguna, eta mila pertsona baino gehiago bildu ziren arratsaldean eginiko mobilizazioan:

Ostiralean kotxe karabana eta piketeak egin zituzten:

Astelehenean abiatu zuten greba mugagabea, eta ekimen berezia egin zuten haurrekin, langileen egoeraren atzean familiak daudela erakusteko:

Astearte eta asteazkenean ohiko eskema jarraitu zuten protestek: piketeak egin zituzten goizeko lehen ordutik Laudio eta Amurrioko fabriketan. Tentsio uneak bizi izan ziren, baina ez zen kargarik egon:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide