Bederatzi arrazoi eman dituzte horretarako:
- Orain Amurrioko kideek uste dute ez dela egia udalak “ahalik eta adostasun handiena” bilatu duela, adotasun hori behin aurrekontuak itxita eskatu delako eta egin diren proposamenei uko egin zaielako.
- Aurrekontuetan parte hartzeko tartea oso murritza izan dela uste du oposizioko taldeak.
- Enplegua sortzeko bultzada handia behar dela uste du Orain Amurriok, “langabezia eta prekarietatea Amurrioko arazorik handienetarikoak” direla argudiatuta.
- Taldea ez dago ados udal zerbitzuen azpikontratazio politikekin jarraitzearekin.
- Inbertsioen alde egonda ere, ez dute lehentasunezkotzat jotzen aisialdi eta kirol azpiegituretan egin nahi direnak, bestelako beharrak ez direlako asetu oraindik.
- Udal Obra eta Zerbitzuko langileen bitartekoak egokitzeko inbertsio nahikorik ez da jaso. Gainera, Orain Amurriok azpimarratu du iaz horretarako 15.000 euroko zuzenketa onartu zela, baina 6.500 euroko gastua bakarrik egikaritu zela.
- COVID-19 birusaren eragina herritar zaugarrienen artean ekiditeko dirua bideratu dela ziurtatu arren, Orain Amurriok uste du, 2020an bezala, ez dela nahikoa.
- Orain Amurrioren proposamenaren ondorioz iazko aurrekontuan adostutako diru kopuruaren %10 besterik ez da erabili.
- Aurreko esparruetan zein beste batzuetan (energia berriztagarriak, gazteen prekarietatearen kontrako neurriak...) 291.500 euroko balioko aldaketak proposatu ditu Orain Amurriok, adostasunik handiena lortzeko, baina ez dira aintzat hartu.