Kuskumendin mina hartu zuen txirrindularia artatu eta Gurutzetako ospitalera eraman zuten atzo larrialdi-zerbitzuek

Aitor Aspuru Saez 2021eko martxoaren 9a

Erreskatearen irudia atzo Kuskumendin. / Ertzaintza

Menditik jaisten ari zela erori zen kirolaria eta laguntza behar izan zuen.

Atzo 16:25ean deia jaso zuen SOS Deiak txirrindulari baten partetik. Izan ere, 43 urteko gizonezkoak erorketa izan zuen Kuskumenditik jaisten ari zenean. Horren ondorioz, mina hartu zuen bizkarrean eta ezin zen bere kabuz mugitu.

Deiari erantzunda, bitarteko ugari mobilizatu zituzten. Antza, zenbait arazo izan zituzten kirolaria topatzeko eta Laudioko Ertzain-Etxeko agenteak batu behar izan ziren bilaketara. Guztira, Ertzaintzaren helikopteroak eta Zaintza eta Erreskate Unitateko Mendiko Taldeak, suhiltzaileek eta osasun-zerbitzuek parte hartu zuten operazioan, Eusko Jaurlaritzako larrialdi teknikari batek koordinatuta.

Azkenean, helikopteroak txirrindularia topatu zuen eta Gurutzetako ospitalera eraman zuten.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide