Emakumeen Etxea irekitzeko lokala eskatu dio Amurrioko Udalak Foru Aldundiari

Aitor Aspuru Saez 2021eko apirilaren 13a
Deskargatu Info Ahotsak :

Aiara Etorbideko 7. eta 9. zenbakietan egongo da Emakumeen Etxea. / Aiaraldea.eus

Arabako Foru Aldundiak onartu du Aiara etorbideko 7. eta 9. zenbakietan dagoen higiezina Amurrioko Udalari lagatzea, Emakumeen Etxea irekitzeko.

Arabako Foru Gobernu Kontseiluak oniritzia eman zion martxoaren 30ean Amurrioko Udaleko eskaerari, eta, ondorioz, lokala lagatuko dio Emakumeen Etxea egon dadin udalerrian.

Higiezina Aiara etorbideko 7. eta 9. zenbakien beheko solairuan dago kokatuta eta Arabako Foru Aldundiak 10 urtez utziko dio tokiko erakundeari. Berez, lagapen epe hori luzatzeko aukera egongo da.

Emakumeen eta emakumeen elkarteentzako topagunea izango da Emakumeen Etxea. Tokia Espainiako Gobernuak eman zion Eusko Jaurlaritzari 1980an eta bost urte geroago geratu zen Foru Aldundiaren esku.

Aurten ekin nahi dio Amurrioko Udalak azpiegitura irekitzeari lehen pausoak emateari. Emakumeen Etxearen diagnosia egiteko dirua erreserbatu zuen horretarako udal aurrekontuetan. 

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide