Diru-laguntzen eta udal ekipamenduen planak egingo ditu Amurrioko Udalak, EH Bilduren ekimenez. Hala adierazi du oposizioko taldeak prentsa ohar baten bidez. Koalizioak gaiari buruzko mozioa aurkeztu zuen apirilaren 6ko Udal Osoko Bilkuran, eta orain akordioa lortu du udalean ordezkatuak dauden indar politiko guztiekin, diru-laguntza bat bat egiteko. “Plan hori uztaila baino lehen aurkeztuko da dagokion batzordean, eta oposizioak aztertu eta hobekuntzak proposatu ahal izango ditu, ondoren osoko bilkuran onartzeko”.
Maitane Salutregi Gardeazabal zinegotziak nabarmendu du udalerrian “ 40 kirol elkarte eta klub baino gehiago” daudela, eta horien atzean dauden boluntarioan “zaindu eta mimatu” egin behar direla gaineratu du.
Udal ekipamenduen gida ere, bidean
Udal ekipamenduen gida-plan bat garatzea ere adostu dute talde politikoek. 2022Ko urtarrilean jarri dute hori egiteko epemuga. “Plan horretan, elkarte horien egoitzen kokapena erabakiko da, erabilera arrazionalagoa bilatzeko eta haien beharretara ahalik eta hobekien egokitzeko”, zehaztu du EH Bilduk, “akordioan jasotzen den bezala, modu parte-hartzailean egingo da, teknikari eta politikariekin, kirol, kultura eta gizarte-eragileekin eta Amurrioko herritarrekin batera. Diru-laguntzen planarekin bezala, oposizioak ere zuzenketak egin ahal izango ditu”.