Lanuzteei esker, aurreakordioa lortu dute Berriak-BM Shop supermerkatuko langileek

Aimar Gutierrez Bidarte 2021eko maiatzaren 14a
Deskargatu Info Ahotsak :

Berriak-BM Shop supermerkatuko langileen lanuztea Amurrion. / Aiaraldea.eus

Laugarren lanuztea zuten deitua gaurko supermerkatuko langileek, baina aurreakordioa mahaigainean izanda, bertan behera uztea erabaki dute.

Lan baldintza duinak bermatzeko lanuzteak egiteari ekin zioten iragan apirilaren 24ean Amurrioko Berriak-BM Shop supermerkatuko langileek. Gaur -maiatzak 14- laugarren lanuztea egitea zuten aurreikusia. Beharginek, ordea, aurreakordioa erdietsi dute supermerkatuko zuzendaritzarekin, eta paroa bertan behera uztea erabaki dute.

Langileen ordezkariek jakinarazi dutenez, aurreakordio proposameneko hainbat aspektu lantzeke daude oraindik, eta langileen oniritzia jaso beharko du datorren astean. Edonola ere, "aurrerapausotzat" jo dute proposamena, eta lan gatazka bideratuta dagoela adierazi dute.

Esker mezua

Supermerkatuko langileek eskerrak eman dizkiete aste guzti hauetan babesa adierazi dieten herritarrei: Aiaraldeko Mugimendu Feministari, Tubacexeko grebalariei edota La Encina erresidentziako beharginei, besteak beste.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide