Aiaraldeko fronte anitz eta zabal batek mobilizazio eguna deitu du datorren ekainaren 2rako

"SOS Aiaraldea" lemapean mobilizazio eguna deitu dute datorren ekainaren 2rako. Eskualdeko eragile sozial, politiko eta sindikalek osatutako fronte anitz batek egin du deialdia.

Aiaraldeko fronte zabal batean bat egin dute bat Euskal Herriko gehiengo sindikala osatzen duten ELA, LAB, ESK eta Steilas sindikatuek, Aiaraldeko enpresa batzordeek, sektore publikoko langileek, ostalariek, merkatariek, mugimendu feministak, gazte mugimenduak zein pentsionisten mugimenduak. Ekainaren 2ko mobilizazio eguna aurkeztu dute. 

Ekitaldia egin dute horretarako Amurrio Antzokian, orain arteko mobilizazio eta borroken birpasa egin eta urrats berria aurkezteko. Zuzenean eskaini dute ekitaldia.

Ekainak 2

Mobilizazio eguna egingo dute asteazken horretan. 10:00etatik 14:00etara lanuzteak egingo dituzte enpresetan. Horrez gain bi mobilizazio nagusi aurkeztu dituzte: 11:00etan Laudion lehena eta 19:00etan Amurrion bigarrena.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide