.JPG)
Amurrioko PSE-EE udal taldeak ibilgailu elektrikoak kargatzeko puntuen inguruko mozioa aurkeztu du, datorren Udal Osoko Bilkuran eztabaidatua izan dadin. Karga elektrikorako puntuen mapa bat osatzea eta hauen instalaziorako egutegi bat diseinatzea eskatuko diote Udal Gobernuari.
Udaleko autoen flota berritzeko beharra ere azpimarratu dute sozialistek, gaur egungo autoak ibilgailu elektriko eta jasangarriagoengatik aldatuz. "Indarrean dauden araudiek instituzio publikoak behartzen gaituzte klima-aldaketa geratzeko neurriak hartzera. Amurrioko Udala eredugarria izan behar da", azaldu du David Romero bozeramaileak.
Udalak txosten juridiko eta ekonomiko bat aurkeztea ere eskatzen du mozioak. Karga-elektrikorako puntuak instalatzeko dauden aukerak baloratzea da txosten horren helburua.
"Amurrioko Udaletik aitzindariak izan gara ingurumena babesteko neurriak aplikatzerako orduan. Ezin dugu konpromiso hori alde batera utzi. Klima-aldaketaren aurkako borroka erronka global eta lokala da. Udalak lehentasunak zehaztu behar ditu eta ibilgailu elektrikoak kargatzeko puntuak behar dituzten auzokideei erraztasunak jarri", adierazi du Romerok.