Amurrioko Eskaut Taldeak arropa bilketa egingo du larunbatean

Aitor Aspuru Saez 2021eko ekainaren 30a
Deskargatu Info Ahotsak :

Ez da larunbatekoa Eskaut taldeko lehen elkartasun bilketa, errefuxiatuen aldekoak ere antolatu baitituzte..

Elkartasun ekimena izango da eta jasotako arropa Laguntza elkarteari emango diote.

Amurrio Aisia Eskaut Taldeko "trebeek" elkartasun arropa bilketa egingo dute larunbatean, uztailaren 3an San Anton plazan. Helburua da jasotako materiala Laguntza elkarteari bideratzea -udalerrian lanean aritzen den taldea- eta goizez zein arratsaldez ekingo diote lanari.

Zehazki, goizean 10:00etan hasiko dira, 14:00etan atsedena hartzeko. Arratsaldean 16:30ean egongo dira jardunean berriro, 20:00ak arte.

Eskaut taldeko kideek hurrengo arropa mota batzeko deia zabaldu dute:

  • Arropa eta oinetakoak egoera onean (behar handia dago 6-12 urteko adin-tartean)
  • Etxeko tresneria (eskuoihalak, maindireak...)
  • Sukaldeko tresneria (mahai-tresnak, platerak...)
  • Sehaskak, haur-orgak

Halaber, gazteek gogora ekarri dute edozein ekarpen baliagarria izango dela, txikia izan arren, eta amurrioarrak animatu dituzte larunbatean San Anton plazatik igarotzera. 

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide