Motor gidari bat ospitaleratu dute Saratxon istripua izan eta gero

Aitor Aspuru Saez 2021eko uztailaren 20a
Deskargatu Info Ahotsak :

Istripuaren irudia./ Asier A.

Auto batekin talka egin du motor gidariak.

Gaur 08:20ak aldera istripua egon da Amurrion, A-625 errepidean, Bilboko norabidean. Zehazki, Saratxon gertatu da ezbeharra, auto batek eta motor batek talka egin dutenean.

Aiarako Suhiltzaileek azaldu dutenez, motorrak autoaren atzeko aldearen kontra jo du eta gidaria lurrera erori da.

Kolpearen ondorioz, motorraren gidaria Galdakaoko ospitalera eraman behar izan dutela azaldu du Ertzaintzak. Larrialdi zerbitzuen aburuz, ez zuen lesio larririk, baina mina hartu du.

Une hauetan garbiketa lanak egiten ari dira, bidea guztiz erabilgarri uzteko berriro.

Jendartea Amurrio Saratxo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide