Gidari bat ospitaleratua gaur Amurrion gertatutako istripuaren ondorioz

Aitor Aspuru Saez 2021eko uztailaren 21a
Deskargatu Info Ahotsak :

Amurrioko erdigunean jazo da ezbeharra. / Aiarako Suhiltzaileak

Landaburu kalean izan da ezbeharra gaur 11:00k aldera. Furgoneta batek auto bat jo du atzetik.

Larrialdi zerbitzuek esku hartu behar izan dute gaur eguerdian Amurrioko Landaburu kalean. Antza, 11:00k aldera furgoneta batek kolpe handia eman dio auto bati.

Bi ibilgailuak izan dira kaltetuak, furgoneta bereziki. Larrialdi zerbitzuek jasotako bertsioaren arabera, furgonetaren gidariak konortea galdu du eta horregatik joan da aparkaturik zegoen autoaren kontra.

Talkaren ondorioz, osasun langileek artatu behar izan dute gidaria eta ospitalera eraman. Bitartean, Aiarako Suhiltzaileek errepidea garbitu dute -antza ibilgailuen hainbat zati zeuden- eta autoen bateriak desgaitu dituzte, arriskuak ekiditeko.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide