Chiki Lora, Zea Mays eta Skakeitan taldeek joko dute Amurrion abuztuaren 13, 14 eta 15ean, hurrenez hurren. Toki eta ordu berean izango dira kontzertuak: 22:30ean Mendiko Eskolan.
Amurrioko Udalak eta Burubio Kultur Elkarteak antolatu dituzte emanaldiak, 'Udako Kultur Tantak' ekimenaren barruan.
Emanaldietara gonbidapenekin sartu ahalko da soilik. Amurrion erroldatutako pertsonek Kultura Etxean eskuratu ahalko dituzte sarrerak, abuztuaren 2tik 6ra, 19:00etatik 21:00etara bitartean.
Herrian erroldatu gabe dauden pertsonek, ordea, Turismo bulegoan eskuratu ahalko dituzte, abuztuaren 7 eta 8an, 10:00etatik 14:00etara bitartean. Abuztuaren 10etik aurrera, aldiz, bulegoko ohiko ordutegian eskuratu ahalko dira (10:00etatik 14:00etara eta 17:00etatik 19:00etara).
Kasu guztietan, pertsona bakoitzak 4 sarrera eskuratu ahalko ditu gehien jota, eta sarrerak jaso dituzten pertsonen izen abizenak jasoko dira.
Ibilbide oparoa egin duten musikariak igoko dira Mendiko Eskolako oholtzara. Chiki Lora Canteca de Macao talde ospetsuko kidea da, eta Volaré diskoa aurkeztuko du Amurrion.
Zea Mayseko kideak ere lan berriarekin bertaratuko dira eskualdera: Adore.
Skakeitan taldeak, aldiz, pandemia hasi baino hilabete batzuk lehenago aurkeztu zuen Nola galdu denbora diskoa, eta duela gutxi hasi dira zuzenekoak eskaintzen.