Amurrioko Udalak, urtero bezala, Musika eta Herri Musika Eskolan, Arte Eskolan eta Dantza Eskolan matrikulatzeko epea ireki du.
Aipatzekoa da helduentzako bi proposamen berri daudela: argazkigintza tailerra eta harri-eskultura tailerra. Bestalde, ohiko plana jarraituko da Herri Musika eta Dantza Eskoletan.
Izen-emateari dagokionez, irailaren 17an itxiko da Juan Aranoa Udal Eskola Artistikoan egingo diren ekintzetan matrikulatzeko epea. Herri Musika Eskolan izena emateko epea, ordea, irailaren 10era arte egongo da irekita.
Nola matrikulatu?
- Aurretik aipatutako bi tailerretan parte hartzeko matrikula Kultur Etxean egin daiteke aurrez aurre, edo online, kulturetxea@amurrio.eus helbide elektronikora izen-emate orria sinatuta bidalita.
- Dantza Eskolari dagokionez, inskripzioa aurrez-aurre zein online egiteko aukera dago, Amurrioko Udaleko Herritarrentzako Arreta Zerbitzuan.
Ordutegien, taldeen eta prezioen inguruko informazioa behean erantsitako dokumentuetan ageri da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
