Abian da Amurrio Hiribildua 2021 arte lehiaketa

La Casonan egongo dira lanak ikusgai. / Amurrioko Udala

XXXV. edizioa da aurtengoa, eta obren harrera irailaren 1etik 16ra izango da.

Amurrioko Udalak Amurrio Hiribildua 2021 lehiaketa artistikoa deitu du, eta saritan 6.500 euro banatuko ditu. Lanak irailaren lehenengo bi asteetan jasoko dira La Casona udal erakusketa aretoan, 1etik 16ra, 10:00etatik 14:00etara, astelehenetan izan ezik. Sari-banaketa irailaren 30ean izango da, 19:00etan, erakusketaren inaugurazioarekin bat eginez.

Parte-hartzaile bakoitzak bi lan berri eta original aurkeztu ahal izango ditu, lehiaketa batean sarituak izan ez direnak, eta teknika eta gai librekoak izan daitezkeenak. Lanen neurriei dagokienez, dimentsio biko artelanak ez dira 150 x 150 zentimetro baino handiagoak izango, eta obra tridimensionalek, berriz, ezin izango dituzte 100 zentimetroak gainditu.

Artelanak aukeratzeaz eta sariak emateaz arduratuko den epaimahaia arte, kultura eta kritika munduko pertsona adituek osatuko dute. Honela banatuko dira aurretik aipatutako 6.500 euroak:

  • Lehen saria: 4.000 euro
  • Bigarren saria: 1.500 euro

Gainera, Amurrioko parte-hartzaileen artean 1000 euro banatuko dira.

Ekintza honetan nahi duen artista orok hartu dezake parte. Izena emateko orri bat baino ez da bete behar, jarraian erantsi dugun dokumentuaren bukaeran ageri dena. 

Erakusketa
Aukeratutako artelan guztiekin erakusketa bat egingo da La Casonan, irailaren 30etik urriaren 28ra bitartean.

Lehiaketaren oinarri eta baldintza guztiak eta izen-emate orria behean erantsitako dokumentuan daude eskuragarri.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide