Bi gazte identifikatu eta isundu ditu Ertzaintzak Amurrion gaur goizaldean

Amurrioko parkean jazo da gertaera.

Poliziak salatu du gazte batzuek kristalezko botilak bota dizkietela agenteei. Hala ere, zigortutako bi gazteei musukoa jarrita ez eramatea leporatu diete, eta desobedientzia delitua ere egotzi diote nagusienari, identifikatzeari uko egiteagatik.

Ertzaintzaren Brigada Mugikorreko hainbat agente bertaratu dira gaur goizaldean Amurrioko parkera. Poliziak azaldu duenez,  hainbat bizilagunen deiak jaso dituzte 3:30ak aldera, zonalde horretan “botilioia” egiten ari zirela esanez. 

Hainbat patruila bertaratu dira zonaldera, eta musika kentzeko eskatu diete bertan zeuden gazteei. Gazteek kasu egin diete poliziei, eta batzuk alde egin dute orduan. Baina beste batzuk agenteak iraintzen geratu dira, eta kristalezko botilak bota dizkiete, Ertzaintzak zabaldutako oharraren arabera

Agenteek bi gazte identifikatu dituzte, 17 eta 18 urtekoak, eta isuna jarri diete musukoa jantzita ez eramateagatik. “Adinez nagusi denari desobedientzia-delitua ere leporatu diote, ez baitu identifikatu nahi izan”, azaldu du Ertzaintzak. 

Gertaera gehiago EAEn

Amurriokoa ez da izan gaur gauean egon den mota horretako gertakari bakarra, ez eta larriena ere. Galdakaon 42 urteko gizon bat atxilotu du poliziak goizaldean eta eginbideak ireki dizkiote 20 urteko beste bati Tolosan, desordena publikoak leporatuta. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide