Abian dago Euskarabide, abenturen bidez euskara sustatzeko egitasmoa

Erredakzioa 2021eko irailaren 14a
Deskargatu Info Ahotsak :

Karraspio hondartzara egin zuten irteera iragan larunbatean, paddle surfa praktikatzeko, euskarazko harremanak sustatzearekin batera. Datozen lau asteburuetan ere beste horrenbeste abentura biziko dituzte. Izen ematea zabalik dago. 

Euskarabide egitasmoa abiatu du Amurrioko Udalak. Planteamendu sinple bezain erakargarria du ekimenak: 14 urtetik gorakoentzako multiabentura irteerak antolatzea, euren artean euskararen erabilera sustatzeko. Larunbatean egin zuten lehen irteera, Lekeitioko Karraspio hondartzara. Paddle surfa praktikatzeko aukera izan zuten bertan gazteek. 

Datozen bost asteburuetan ere antzeko jarduerak egingo dira, larunbatero, urriaren 16ra arte.  Larunbat honetan -irailak 18- Laidara egingo dute irteera, Urdaibaiko jeitsiera egiteko. Izen ematea bihar -irailak 14- gauera arte egongo da zabalik.  Inskripzioa doakoa da, baina Amurrion erroldatutako gazteen lehentasuna izango dute. Parte hartzeko emaila bidali baino ez da egin behar euskara@amurrio.eus helbidera, izen-abizenak, NAN zenbakia, helbide elektronikoa eta adina adierazita.

Egitasmoa Arabako Foru Aldundiaren babesari esker antolatu du Euskara Zerbitzuak. Informazio gehiago @Euskarabide Instagram kontuan topa liteke.

Argazkiak: Amurrioko Udala

Euskara Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide