Entrenamenduei ekingo die berriz ere Nerbioi Errugbi Elkarteak, eta irailaren 22an hasi nahi ditu saioak Amurrioko Refor kirolgunean. Duela 10 urte eskualdeko errugbizale batzuen ekimenez sortu zen elkartea, eta urtez urte kirol honen filosofia eskualdean hedatzea izan du helburu nagusia.
Inskripzio fitxak zabalik daude dagoeneko. Aurtengo ikasturtean 2008 eta 2014 urteen bitartean jaiotakoek izango dute entrenamenduetan parte hartzeko aukera. Telefono zenbaki bat jarri dute eskuragarri izena eman edota informazio gehiago jaso nahi duen ororentzat: 655 708 812. Gainera, urriaren 31ra arte luzatuko dute doako froga egiteko aukera.
"Momentu hau paregabea izan liteke zelaian zein zelaitik kanpo balore asko dituen kirol bat ezagutzeko" adierazi dute elkarteko kideek. Beste batzuen artean, errespetua, laguntasuna eta esfortzua zerrendatu dituzte errugbiaren oinarri bezala.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
