Etnografia eta toponimia izango ditu ardatz Aztarna elkarteak antolatutako laugarren OnomastikaTopaketak. Azaroaren 6an izango da, Amurrioko Katekesi aretoan. Parte hartzeko izena ematea ezinbestekoa izango da, kulturetxea@amurrio.org postara mezua bidali behar da horretarako. Bost hitzaldi edo gai entzuteko aukera izango dute bertaratutakoek, orotariko gaiak landuko direlarik:
- Toponimia, lexikoa eta ez-gramatika (Ander Rios Cubas)
- Hidronimia, lexikoa eta gramatika (Mikel Martinez Areta)
- Uskararen eleka. Euskararen biziraupena erronkariarren eguneroko hizkeran (Josune Aznarez Alkat)
- Erromatarren aurreko erroa duten toponimi pirineoarrak (Juan Carlos Lopez Mugartza Iriarte)
- Neotoponimia eta toponimia histoirkoa. Adostasun beharra hizkuntza politikan. (Joseba Abaitua Odriozola)
Hizlarien artean esperientzia handiko adituak hurbilduko dira Amurriora, hala nola Ander Rios Cubas Onomastika Elkarteko kidea eta Euskal Filologian lizentziatua, Mikel Martinez Areta EHUko Onomastika eta Hizkuntza irakaslea, Josune Aznarez Alkat Euskal filologoa, Juan Carlos Lopez Mugartza Iriarte Nafarroako Unibertsitate Publikoko ordezkari eta Onomastika Elkarteko presidentea, eta Joseba Abaitua Odriozola Euskal Filologoan lizentziatua eta doktorea, Onomastika Elkarteko kide dena ere.
Aztarnako kideek adierazi dutenez, bazkari batekin bukatuko dute topaketa. 20 euro balioko du janak. Informazio gehiago www.aztarna.es webgunean topatu daiteke.