ZOZKETA

Pou anaien liburu aurkezpenean parte hartzeko sarrera bikoitzaren zozketa

Pou anaiek eskalatzen egin zuten liburuaren lehen aurkezpena. / Eldiario.es

Mendiko Lagunak taldeak antolatutako jardunaldien barruan bisitatuko dute Amurrio Pou anaiek euren liburua aurkezteko.

Azaroaren 26an Pou anaiak Zaraobe Ikastetxeko areto nagusian egongo dira 19:00etatik aurrera euren liburua aurkezteko. Mendizale, eskalatzaile eta eskiatzaile profesionalak Aúpa Pou: una vida encordados autobiografiari buruz arituko dira.

Testuan euren ibilbide profesionalaren errepasoa egiten dute eta abenturazko generoan kokatu dute. 2000. urtean ekin zioten euren pasioa lana bilakatzeari eta 2003an bete zuten helburua. Geroztik, zazpi kontinenteak zapaldu dituzte eskalatzen eta hamaika lagun egin dituzte.

Hasieran aurkezpena Katekesi Aretoan egin behar zuten baina, edukiera arazoak ekiditeko, Zaraobe Ikastetxeko areto nagusira eraman du Mendiko Lagunakek jarduera.

Sarrera bikoitza eskuratzeko aukera hemen duzue.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide