Astelehenetik aurrera jarriko dira salgai Pirritx, Porrotx eta Marimototsen emanaldirako sarrerak. Ikuskizuna azaroaren 28an izango da, 18:00etan kiroldegian. Euskara Arlotik adierazi dutenez, Amurrioko ikasleei eman diete lehenbizi lehentasuna: "2 urteko gelatik LH2 maila bitarteko ikasleek sarrera bikoitz bat dute bermatuta, heldu batekin joan ahal izateko".
Azaroaren 22tik aurrera hasiko dute 'salmenta irekia' Kultura Etxean, Pirritx, Porrotx eta Marimototsen ikuskizunaz gozatu nahi dutenentzat
Dena den, 1.800 lagunentzat egongo da tokia osasun neurriek ahalbidetzen badute, eta ez da aforo arazorik espero. Hala, astelehetik aurrera erosi ahalko dira sarrerak "nahi duen ororentzat".
Sarrerak 3 euroren truke
3€ balioko dute sarrerek, Udalak jakinarazi duenez. Kultura Etxean egingo da salmenta, astelehenetik aurrera. "Egunean bertan ere erosi ahalko dira kiroldegian, aurrez ez badira agortzen", zehaztu dute. Horretarako ordutegia ondorengoa da: astelehenetik ostiralera 9:00etatik 13:30era, eta 16:00etatik 20:00etara; eta larunbatetan 10:00etatik 14:00etara.
Aiaraldea Komunikabideak sarrera bikoitz bat zozkatuko du erabiltzaileen artean azaroaren 26an. Hemen eman daiteke horretarako izena.