15.000 euroko aurrekontua izango du Amurrioko Udal Musika Eskolak. "Amurrioko sozialistak poztu egiten gara aurrekontu hauek onartu izanaz, eta zentzu horretan, EAJrekin batera eginiko negoziaketari esker, adostasunez onartu da aurrekontua, eraikinaren egungo arazoei aurre egiteko", adierazi du David Romero PSE-EEko zinegotziak.
Hiru pisu eta ganbara -edo atikoa- ditu Udal Musika Eskolak, eta entsegu, jarduera didaktiko eta kontzertu ugari eskaintzen dira bertan. PSE-EEko ordezkarien hitzetan, soluziorik onena beste kokapen bat bilatzea litzateke, "baina lehentasun gisa egungo hutsuneak jorratzea aintzatetsi dugu: itokinak, leiho aldaketak edota mugikortasun mugatua dutenentzat arrapala egitea, besteak beste".
Romeroren ustetan, lortutako konpromiso edo akordioak segurtasun eta egonkortasun markoa ematen die udal zerbitzu eta inbertsioei, "eta era berean, sozialisten funtzioa indartzen du udal kudeaketan, inbertsioen eta politika publikoen berme gisa".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
