8 bisita egingo ditu Olentzerok Amurrion datozen egunetan

Jendetza batu ohi da Goikomendin, Olentzero ikusteko. / Aiaraldea.eus

Abenduaren 11tik 25era, 8 aldiz jaitsiko da Olentzero Amurriora haurrekin eta edadetuekin egotera. 

Amurrioko Olentzerok jakinarazi du jada noiz jaitsiko den herrira. Abenduaren 11n hasiko du txango sorta, Apdema elkartekoekin geratu baita. Datorren larunbatean San Roke parkera joango da. Alabaina, txartelak eskuratu beharko dira berarekin egoteko. Amurrioko turismo bulegoan egongo dira horiek eskura bihar eta etzi (abenduaren 9an eta 10ean, alegia). 

Amurrioko Udalak ohartarazi duenez, jarduerak COVID-19 pandemiak eragindako osasun egoerara moldatuko dira, eta atzeratu edo bertan behera geratuko dira beharrezkotzat joz gero

Datorren igandean, abenduaren 19an, Goikomendiko txondorra zaintzen egongo da, aurreratu duenez. Hori dela eta, irteerak antolatu dituzte bertara, 10:30ean eta 11:15ean abiatuko diren bi txandetan. Aforoa kontrolatzeko, turismo bulegoan erosi beharko dira sarrerak, 2 euroren truke. Horretarako egunak ostegun eta ostirala izango dira, hilaren 9a eta 10, hain zuzen. 

Eskoletan barrena igaroko ditu hurrengo egunak Olentzerok. Batetik, abenduaren 21ean Amurrioko ikastetxeetatik pasatuko da, eta 17:30ean Menagaraitik. Biharamunean jarraituko du itzulia, nahiz eta arratsaldean frontoian izango duen zita. Izan ere, ikazkinen laguntza izango du haurren eskutitzak jasotzeko, Zirika Zirkus konpainiaren Hemendikara ikuskizunaren ostean.

Hala, abenduaren 24an agurtuko ditu amurrioarrak Guk parkean, kalejirari bide emateko. Osasun egoerak ahalbidetzen badu, Felix Murga auzoan bukatuko du iluntzea, txokolate jan eta gaztaina erre artean. Olentzeroren kalejira osteko agur ekitaldia 18:30ean izango da Juan Urrutia plazan. Dena den, eguberri egunean -abenduak 25- edadetuen egoitzara hurbiltzeko asmoaz mintzatu da pertsonaia.

Amurrioko Udalak Hauxe Da aldizkarian ohartarazi duenez, jarduerak COVID-19 pandemiak eragindako osasun egoerara moldatuko dira, "eta atzeratu edo bertan behera geratu ahalko dira beharrezkotzat joz gero".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide