ARGAZKIAK

Ehunka kirolari elkartu ditu Amurrioko Krosaren III. edizioak

Aimar Gutierrez Bidarte 2021eko abenduaren 12a

Euskadiko eta Arabako Txapelketak hartu ditu Amurrioko Krosaren III. edizioak. Giro eguzkitsuaz gozatu dute Amurrioko Refor kirol-gunera bertaratu diren kirolari eta ikusleek.

Azken asteetako euriteen ondoren, giro eguzkitsua izan da nagusi Amurrioko Krosaren III. edizioan. Ehunka kirolarik eta ikuslek hartu dute Refor kirol-gunea Oinkariak Atletismo taldeak antolaturiko kirol probaz gozatzeko, bi urteko etenaldiaren ostean.

Lasterketa herrikoiak eman dio hasiera kirol probari, 9:45ean. Kirolariek 5.200 metroko zirkuitua osatu dute, eta Jon Durana eta Nuria Sainz gailendu dira. Euskadiko eta Arabako Txapelketak ere hartu ditu kirol probak. Azken egunetako uholdeen ondorioz, ordea, bertan behera geratu dira eskola kiroleko kategoria guztiak; talde arabarrek zailtasunak izan baitituzte Amurriora arte bertaratzeko.

Argazkiak: Aiaraldea.eus eta Oinkariak Atletismo taldea

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide