Bañueta Gizarte Etxeko xake ikastaroa, abian berriz

Astearte, asteazken eta ostegunetan eskainiko dituzte klaseak. / Aiaraldea.eus

Asteazken eta ostegunetan eskainiko dituzte haurrentzako saioak eta astearte eta ostegunetan, aldiz, gazte eta helduei bideratutakoak. 

2019an abiatu zituzten xake klaseak Bañueta auzoko Gizarte Etxean, baina pandemiak ikasturtea amaitzea galarazi zien. Orain, aldiz, berriz heldu diote ekimenari. Urtarriletik martxora iraungo du ekimenak, eta ireki dute dagoeneko izena emateko epea, urtarrilaren 12ra arte. Matrikulak 30 euro balioko du, eta  xake.amurrio@gmail.com helbidera mezua bidalita osatu daiteke. 

Haur zein helduentzako

Adin guztietako bizilegunei luzatu diete saioetan parte hartzeko gonbita. Haurrek asteazkenetan (17:00-18:00) eta ostegunetan (17:15-18:15 eta 18:15-19:15) izango dituzte klaseak. Gazte eta helduek, ordea, asteartean izango dituzte klaseak, 18:00etatik 19:00etara.

Saioen dinamika honakoa izango da: irakasleak argibideak emango ditu lehenbizi, eta partidak jokatuko dituzte gero bertaratutakoen artean.  Ostegunetan, aldiz, 19:00etatik 20:30era batuko dira, jokoarekin jarraitzeko. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide