Babio Non Stop elkartasun erronka hasi da jadanik

Gaur 18:00etan abiatu da lehen taldea Juan Urrutia plazatik eta gau osoan orduro aterako da talde bat. Bihar goizean amaituko da erronka eta Babio Igoerari emango dio lekukoa. Jasotako dirua  Adela E.H. erakundeari emango diote, Alboko Esklerosi Amiotrofikoa (ELA) duten pertsonen elkarteen federazioari, alegia. 

Gaur 18:00etan hasi da Babio Non Stop elkartasun erronkaren edizio berria Amurrio Trail Taldearen eskutik. Dozenaka lagun batu dira Juan Urrutia plazan. Talde argazkia egin ostean, adarren soinua entzun da eta ibilbideari ekin diote.

Batukada batek animatu ditu mendizaleak lehenengo metroetan, herrigunean, eta gero Babioko bidea hartu dute parte-hartzaileek. Orduro talde bat aterako da puntu beretik. Bihar goizerako arte luzatuko da erronka, Babio Igoera hasi arte.

Aurten batzen duten dirua Adela EH-ra bideratuko dute, Alboko Esklerosi Amiotrofikoa pairatzen duten lagunak babesten baititu elkarte horrek.

Argazkiak: Aitor Aspuru Saez

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide