Azken egunetako haize boladek argi-mozketak eragin dituzte Amurrion

Aimar Gutierrez Bidarte 2022ko urt. 4a, 13:36
Deskargatu Info Ahotsak :

Amurrioko estazio elektrikoan egon dira matxura konpontzen. / Google Maps

Azken egunetan ugariak izan dira argi-mozketak udalerrian. Amurrioko Udala argindarra kudeatzen duen enpresarekin jarri da harremanetan, eta, hauek, haize bolada bortitzen ondorioz gertatu direla azaldu dute.

Azken astean argi-mozketa ugari gertatu dira Amurrion. Bereziki nabarmenak izan ziren abenduaren 27an jasandakoak. Aste osoan zehar, ordea, errepikatuz joan dira mozketa hauek. Argi mozketa laburrak dira, minutu gutxiko iraupenekoak, baina egunean zehar hainbatetan errepikatzen direnak.

Haize-boladak sorburu

Amurrioko Udala argindarra kudeatzen duen enpresarekin jarri da harremanetan, arazoaren sorburua zein den identifikatzeko. Adierazitakoaren arabera, azken asteko haize-bolada bortitzak daude mozketa hauen atzean. "Fenomeno meteorologiko honen aurrean, zuhaitzen adarrek linea elektrikoa ukitzen dute eta argi-mozketak eragiten dituzte" azaldu dute Amurrioko Udaleko arduradunek.

Jakinarazi dutenez, argindarra kudeatzen duen enpresako langileak lanean ari dira gorabehera horiek gertatzen ari diren puntu zehatza identifikatu eta hauek ekiditeko asmoz.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide