Hasi dira Amurrioko ludoteka egokitzeko lanak

Txabi Alvarado Bañares 2022ko urtarrilaren 14a

Dionisio Aldama kaleko 1. zenbakiko lokalean jarriko dute azpiegitura. / Aiaraldea.eus

Obrak bost hilabeteren buruan amaitzea aurreikusi dute.

Aste honetan abiatu dituzte Amurrioko ludoteka atontzeko lanak. Dionisio Aldama kaleko 1. zenbakiko lokalean jarriko dute azpiegitura. Amurrioko Udalak jakinarazi duenez, 5 hilabete beharko dituzte proiektua gauzatzeko, eta 163.749 euroko inbertsioa egingo dute guztira.

Banaketa fisikorik gabeko espazioa

Lokalak 171,15 metroko azalera dauka, eta banaketa fisikorik gabeko espazioa prestatuko dute bertan, jolasteko hiru gunerekin. Espazio zentral bat ere egongo da, komun eta aldagelekin. “Proiektuak aisialdirako gune berria emango die udalerriko haurrei, eta hainbat jolas-jarduera egiteko aukera emango du”, azaldu du Udalak.

Tokiko erakundeak zehaztu duenez, proiektu hau herritarrek hautatu zuten, “2019ko Amurriokoekin aurrekontu parte-hartzaileen programan”.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide