Lekukoen laguntza eskatu dute atzo Amurrion gertatutako istripua argitzeko

Aitor Aspuru Saez 2022ko urtarrilaren 31

Galdakaoko ospitalera eraman zuten ziklomotorraren gidaria. / Ana Bea Llano

20:30ak aldera jazo zen ezbeharra Amurrioko elizatik gertu dagoen biribilgunean. Norbaitek zerbait ikusi bazuen, 695 455 328 telefono zenbakira dei dezake.

Atzo gazte batek zauri arinak izan zituen trafiko istripu baten ondorioz. Berez, ziklomotorra gidatzen ari zela herriguneko biribilgune batean -elizatik gertu dagoena-, auto batek ez zuen pasatzen uzteko seinalea errespetatu. Hori dela eta, motor gidaria erori zen, beste ibilgailuaren kontra ez jotzen saiatzen ari zen bitartean.

Kolpearen ondorioz, zauri arinak izan zituen, baina Galdakaoko ospitalera eraman behar izan zuten. Gaur bere familiak herritarren laguntza eskatu du ezbeharra argitzeko eta autoaren arduraduna identifikatzeko.

Norbaitek gertatutakoa ikusi bazuen, 695 455 328 telefono zenbakira deitzeko aukera dauka.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide