Abenduan bertan behera utzi eta gero, otsailaren 20an izango da Amurrioko Eskolen Arteko Krosa

Aitor Aspuru Saez 2022ko ots. 2a, 07:00

2008 eta 2013. urteen artean jaiotakoek parte hartuko dute norgehiagokan. / Aiaraldea.eus

Abenduaren 12an egin behar zen lasterketa, Euskadiko eta Arabako Kros Txapelketen barruan, baina bertan behera geratu zen, euriteen ondorioz.

2008 eta 2013. urteen artean jaiotakoek kros hitzordua izango dute otsailaren 20an Amurrion. Berez, lasterketa abenduaren 12an egin behar zen, Euskadiko eta Arabako Kros Txapelketen testuinguruan. Baina, aste horretan egondako euriteengatik, proba bertan behera uztea erabaki zuten antolatzaileek.

Orain, ordea, behin Eusko Jaurlaritzak eta Foru Aldundiek eskola kirola baimenduta, proba ahalik eta lasterren prestatzeari ekin dio Oinkariak taldeak. Pablo Mas atletismo taldeko kideak hala azpimarratu du: "COVIDak eragindako etenaldiaren ostean, garrantzitsuena da umeek aukera izatea kirola egiteko".

Izena emateko epea ireki dute jadanik eta otsailaren 18ra arte egongo da parada on-line egiteko, hemen. Edonola ere, egunean bertan Reforreko gimnasioan onartuko dute inskripzioa egitea, 10:00etatik aurrera.

Guztira, 3 kategoria egongo dira: ume, kimu eta benjaminak. Dena den, neskak eta mutilak banatuta lehiatuko direnez, 6 irteera aurreikusi dituzte guztira Reforreko kirol azpiegituran, 11:00etatik 12:00etara bitartean.

Kirola Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide