Atzo jokatu ziren Amurrioko frontoian Eusko Label Binakako txapelketako finalerdiak. Ondorioz, erabakita geratu da finala. Ados Pilota elkarteak zuzenean emititu zituen partidak.
Eskupilota jaialdi bikaina egon zen atzo Amurrioko frontoian. Eusko Label binakako txapelketaren finalaurrekoak jokatu ziren bertan, hamaika babesleren eskutik. Ados Pilota Elkarteak sare sozialetan adierazi duenez, "giro ederra eta partida bikainak" ezaugarritu zuten arratsa, "finalerdiek behar dituzten osagai guztiekin".
Pilotari guztiek Azkoitiako finalerako txartela lortzea zuten helburu. Santos-Urriza bikoteak 22-10 irabazi zituzten Mondragon eta Zaldain, Iturriaga-Egañak 22-12 hartu zituzten mendean Kortazar eta Iraeta; eta Zalaia-Lopez bikoteak 22-17 garaitu zituzten Etxekolonea eta Mujika. Irabazleeen adierazpenak bideoan jaso ditu Ados Pilota Elkarteak:
Ildo beretik, zuzenean emititu zituzten Youtube plataforman finalerdietako norgehiagoka guztiak:
Argazkiak: Ados Pilota Elkartea, eta Amurrioko Pilotazale Kluba
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
