Pala eta esku pilota partidak antolatu zituen atzo ANkerkeriari STOP plataformak, Galder Barbado eta Aitor Zelaia gazteen alde. 300 lagunetik gora elkartu ziren Amurrioko frontoian. Mikel Goñiren frontoi itzulerak espektatiba handiak piztu zituen.
Jendez lepo zegoen atzo arratsaldean Amurrioko udal pilotalekua. ANkerkeriari STOP plataformak esku pilota eta pala partidak antolatu zituen, Galder Barbado eta Aitor Zelaia gazteen aurkako prozedura judizialak eragindako kostu ekonomikoei aurre egiteko.
Berebiziko espektatiba sortu zuen arratsaldeko hitzorduak, eta 300 lagunetik gora elkartu ziren. Izan ere, Mikel Goñi pilotari profesional ohia zen Amurrioko frontoian norgehiagokan arituko zen kirolarietako bat, hainbat urtez frontoietatik aldenduta preso egon ostean. Oronoztarra Koldo Iriarterekin batera aritu zen atzo, Landaluze eta Gonzalez bikote amurrioarraren aurka. Lehia bizia izan zen, baina azkenean Landaluze eta Gonzalez bikote gaztearentzat izan zen partida.
Aurretik, pala partida jokatu zuten Arregik eta Ibarluzeak Jimenez-Murgaren kontra, Amurrioko gazteak laurak. Jimenezek eta Murgak altxa zuten partida.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide