Cuatro Bancos taldeak eta Beranduegi erromeriak girotu dute gazte martxaren aurkezpena

Txabi Alvarado Bañares 2022ko apirilaren 10a
Deskargatu Info Ahotsak :

Amurrioko Gaztetxean eskaini zituzten kontzertuak atzo gauean.

Gazte Martxa egingo du Ernai antolakundeak apirilaren 14tik 17ra. Ekimen horren aurkezpenak egin dituizte asteburu honetan Euskal Herriko hainbat txokotan. Aiaraldeko Ernaik Amurrioko Gaztetxea hautatu zuen horretarako. Bi musika taldek jo zuten bertan atzo gauean: Cuatro Bancos eta Beranduegik. 

Aiaraldeko hainbat gazteren artean sortutako taldea da Cuatro Bancos, eta duela gutxi plazaratu dute euren lehen singlea. Atzoko emanaldia, aldiz, oraindik grabatu gabeko kantuak aurkezteko ere baliatu zuten. Horrez gain, Malen Atxa musikari laudioarra ere igo zen oholtzara, taldearekin abesti bat kantatzeko.

Beranduegi erromeriako kideek, euren aldetik, goizeko ordu txikietara arte luzatu zuten jai-giroa, hainbat abesti ezagunen bertsioak joz. 

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide