Bi urteko etenaldiaren ostean, San Prudentzio bezperako danborrada eta barraskilo jana berreskuratuko dituzte Amurrion, datorren apirilaren 27an.
Danbor hotsek Amurrioko kaleak hartuko dituzte berriro ere, bi urteko etenaldiaren ostean. Pandemia egoeraren arintzeak San Prudentzio ospakizuna berreskuratzea ahalbidetu du. Gauzak horrela, ohiko danborrada eta barraskilo jana egingo dituzte datorren apirilaren 27an.
Datorren asteazkenean Frontoi kaletik abiatuko da danborrada desfilea 19:30ean. Herriko kaleak zeharkatu ostean Juan Urrutia plazan elkartuko dira Beti Jai fanfarreko kideak eta Amurrioko auzokideak danborrak astindu eta azken Erretreta jotzeko. Danborradaren ostean, ohiko barraskilo jana egingo dute 20:15etatik aurrera. Kazolatxo bakoitzak 2 euroko prezioa izango du.
Amurrioko Udalak gonbita berezia egin nahi izan die herriko haurrei azken Erretretan eta barraskilo janean parte hartzeko. Jarduera guztiak Juan Urrutia plazan egingo dituzte, baina euria eginez gero San Anton plazara mugituko dituzte ekintzak.
2020an, pandemia bete betean, balkoietatik astindu zituzten danborrak Aiaraldeko bizilagunek San Prudentzio bezperan:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
