Bi urteren ostean berriro ospatuko dituzue San Joseko jaiak, prest zaudete? Gogotsu dago auzoa?
Ilusioz gainezka gaude, eta jaiei berriro ekiteko gogo handia dugu. Auzoko jendeak urtarrilaz geroztik galdetu digu aurtengo jaiei buruz eta horregatik uste dugu ospatzeko gogo handia dutela.
Lan asko dugu zain, esperientzia galdu dugu bi urte hauetako geldialdian, baina gogo handiz egingo diegu aurre.
Berriro ere antolaketa lanetara bueltatzea zaila egin zaizue?
Lehen esan bezala, geldialdia nahiko nabarmena izan da, eta gainera, azken unera arte itxaron dugu programa on bat prestatzeko. Ez genekien zer osasun egoera izango genuen jai egun hauetan.
Hori dela eta, atzeratu egin gara programaren prestaketan, baina azken orduan pilak jarri ditugu eta jaietako kartel on bat prestatu dugula uste dugu.
Zein da prestatu duzuen egitaraua?
Jaiak hiru egunez ospatuko dira. Apirilaren 29an lehenengo ekintzak haurrei zuzenduta daude, gauean La topadoraren kontzertuaz gozatuko dugu eta gaua dj batekin itxiko dugu.
Larunbatean bazkari herrikoia egingo dugu eta ondoren, arratsaldean, hainbat kultur ekintza, dantza erakustaldia, mariatxien emanaldia eta 80ko hamarkadako musika kontzertua izango dira. Berriz ere, gaua DJ batekin amaituko dugu.
Igandean txirrindularitza lasterketa bat ospatuko da eta San Jose parrokian ohiko jaunartze meza egingo da.
Jarduera guztiak publiko guztiak gozatzeko pentsatuta daude, txikienetatik helduenetara.
Zer ematen diete San Joseko jaiek auzoari? Zergatik dira beharrezkoak?
Duela 40 urte baino gehiagotik ospatzen diren jaiak dira, eta poztasun eta deskonexio txute bat dira auzo osoarentzat eta biztanle guztientzat. Jendeak gogoz hartzen ditu, lehenengo jaietakoak direlako eta, oro har, giro aparta sortzen delako. Auzoari bizia ematen diogula uste dugu, edo hori da gure asmoa.
San Jose jai-batzordetik jende guztia gonbidatzen dugu apirilaren 29 eta 30ean eta maiatzaren 1ean auzora hurbildu eta gure jaiez gozatzera. Giro ederra izango dugu!
