'Gure Zirkua' ikuskizunak euskal zirkua ekarriko du Amurriora karpa eta guzti, euskaraz

Izar Mendiguren Cosgaya 2022ko apirilaren 29a

Gure Zirkua egongo da Amurrion maiatzaren amaieran. / Hernani.eus

Maiatzaren 27tik ekainaren 5era egongo da Gure Zirkua Amurrion. Guztira, 10 saio eskainiko dituzte.

"Gure Zirkua Aiaraldean izango da lehenbizikoz". Hala jakinarazi dute sare sozialetan proiektuko kideek. Maiatzaren 27tik ekainaren 5era jarriko dute karpa. Sarrerak astelehenean jarriko dituzte eskura, Gurezirkua.eus atarian. "Hiru urteren ondoren Arabara itzuliko da Gure Zirkua", erantsi dute.

Emanaldiak zirkuko osagai gehienak uztartzen ditu: pailazoak, magoak, malabaristak, dantzariak, altuera dantzariak... Guzti hori euskaratik eta euskaraz egiten dute, Iker Galartzaren gidaritzapean. Gainera, hainbat belaunaldietako euskal herritarrak oholtzaratzen ditu, euskal zirkuko artisten transmisio eta belaunaldiartekotasunaren adierazle.

10 emanaldi edo saio eskainiko dituzte Amurrion guztira:

May be an image of aire zabalean eta text that says 'GURE ZIRKUA AMURRIO Ostirala 27 -ΜΑΙΑΤΖΑ- Larunbata 28 16:30etan eta 19:00etan 19:00tan Igandea 29 12:00etan eta 18:00etan Ostirala 3 -ΕΚΑΙΝΑ- Larunbata 19:00etan 16:30etan eta 19:00etan Igandea5 12:00etan eta 18:00etan www.gurezirkua.eus'

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide