Nola hasi zinen rapa egiten?
Egun batean klasetik irten eta Bartzelonako lagun batekin geratu nintzen. Berak rapa egiten zuen eta bakarrik geratu ginenez, bera rapeatzen hasi zen eta ni, barre egiteko, saiatu nintzen. Hasieran oso eskasa nintzen, baina etxean praktikatuz hobetzen joan naiz pixkanaka.
Zerbait grabatu duzu?
Bai, hasieran taldea egin genuen, orain Streetlight estudioa sortu dugu eta grabatu dugu zerbait. Hor gaude, apurka-apurka gauzak egiten. Izatez, kanta bakarra daukat Youtuben igota, baina gehiago ditut eta joan naiz igotzen. Bi kontzertu eman ditut ere, bat Amnesia tabernan, Urduñan, eta bestea Lekeitioko Gaztetxean.
Zeintzuk dira zure musika erreferenteak?
Txikitan ez nuen rapa entzuten. Esaterako, Melendi pilo entzun dut edo Fito & Los Fitipaldis, baina orain rapa entzuten dut. Esparru horretan, adibidez nire erreferentzia Nadal da.
Nola ikusten duzu eskualdeko giroa?
Talde txiki bat daukagu eta estudioaren inguruan mugitzen gara. Denbora daramagunez, ezagutzen gara eta oso ondo dago, giro hurbila dugu. Elkartzen gara eta kontzertuak ematen ditugu. Suertatzen dena suertatzen dela prest gaude elkarri laguntzeko.
Zeintzuk dira zure proiektuak?
Une haietan Unai Martinez -MRT- eta biok albuma sortzen ari gara, estilo klasikoa jorratzen. Gero badaude pare bat artista nirekin zerbait egiteko prest. Eskualdekoak eta Bizkaiko lagun batzuk.
Nola definitzen duzu egiten duzuna?
Nik egiten dut momentuan sentitzen dudana. Izan ere, uste dut musika dela tresnarik onena sentitzen duguna komunikatzeko. Horregatik dut oso gogoko.
Itxialdian gehiago sortu zenuen?
Itxialdian egunero hitz egiten nuen lagunekin eta amaieran uste dut ez nuela gehiago sortu, baina, adibidez berriki Youtubera igo dudan ‘Verano frío’ itxialdian egin nuen.
Zein izan zen Cuatro Barrasen historia?
Hiru lagun ginen hasieran eta azkenean lau batu ginen taldea osatzeko. Unai eta biok beti ibili gara elkarrekin. Duela 6 edo 7 urte lokala hartu genuen, elkar ezagutu genuen eta naiz eta bakoitzak bere aldetik gauzak egin, beti gaude batera. Askotan elkarrekin idazten dugu. Une horretan pentsatu genuen interesgarria zela taldea sortzea eta Nack eta Belaza batu ziren.