Ekitaldian izango dira Aitor Urzelai SPRI taldeko zuzendari nagusia, Leyre Madariaga Eraldaketa Digitalaren eta Ekintzailetzaren zuzendaria, Ana Camacho Industriaren eta Energia Trantsizioaren zuzendaria, Ainhoa Ondarzabal BTI- Euskadiko Nazioartekotze Agentziako kontseilaria, Iñigo Ansola Energiaren Euskal Erakundearen zuzendaria, Alex Boto Ihobeko zuzendaria, eta Raul Perez Elikagaien Kalitate eta Industriako zuzendaria. Bakoitzak bere arloko programen xehetasunak azalduko ditu.
Bihar Aiaraldeko enpresek aurrez aurre ezagutu ahal izango dute Eusko Jaurlaritzako Ekonomiaren Garapen, Jasangarritasun eta Ingurumen Sailaren Enpresa Txiki eta Ertainentzako 2022ko laguntza-plana. Planak 74 programa biltzen ditu eta 600 milloi baino gehiagoko aurrekontua du.
Aiarako Kuadrilla, Amurrio Bidean Garapen Agentzia eta Laudio Udala Garapen Agentziarekin elkarlanean antolatu du Jaurlaritzak ekimena eta aurkezpena Amurrioko Refor Amurrio Enpresaldean egingo da, goizeko 9:30etik 11:30era. Eusko Jaurlaritzako ordezkariek ez ezik, Encina Castresana Aiarako Kuadrillako presidenteak ere hartuko du hitza.
Eusko Jaurlaritzako hainbat sailetako arduradunek aurkezpenak amaitu ostean, networking saioa egingo dute bertaratzen diren enpresen artean.
Dirulaguntza lerroei dagokinez, Teknologiek eta I+Gek 219.482.500,00 euroko laguntzak batzen dituzte, eta eraldaketa digitalerako 26.515.000,00 euro, berrikuntzarako 6.801.000,00 euro eta ekintzailetzarako 4.800.000,00 euro aurreikusi dituzte. Guztira, 257,5 milioitik gora emango dituzte I+G+b proiektuak sustatzeko.
Enpresa txiki eta ertainentzako eraldaketa energetikorako laguntzak aurten 150.190.724,04 eurokoak izango dira. Ekonomia zirkularrerako programetara 7 milioi bideratuko dira eta 3,1 milioi, aldiz, bioekonomiara. Trantsizio energetikorako, guztira, 160,2 milioi egongo dira.
Enpresa interesdunek hemen eman dezakete izena deialdian parte hartzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
