Festa eta ahuntz usaina dario asteburuari Baranbion. Izan ere, 23. aldiz ospatuko dute Ahuntz Eguna. Ostiralean abiatuko dute egitaraua Garrastatxuko santutegian solasaldi batekin, 20:00etan hasiko dena. Ondoren, afaria egongo da parte hartzaile guztientzat txokoan, 21:30ean, hain zuzen.
Ahuntz Egunaz gain, Garrastatxuko mendi ibilaldia jasoko du Baranbiok igande honetan
Larunbatean ez dute ekitaldirik egingo, igandean bete-bete baitator egitaraua. Izan ere, orotariko jarduerekin hornituko dute Ahuntz Eguna.
8:30ean Garrastatxuko mendi ibilaldia aterako da, baina 8:15ean ekingo diote Euskal Herriko XIV. Ahuntz Lehiaketari. Antolatzaileek zehaztu dutenez, gainera, orotariko arrazak egongo dira ikusgai goiz osoan zehar. 13:00etan izango da abere pisaketa, eta 14:00etan banatuko dituzte lehiaketako sariak. Ondoren, herri bazkaria egongo da. Alabaina, bazkariko txartelak Baranbioko Batzar Administratiboko idazkaritzan edota Garrastatxun eskuratu beharko dira ekainaren 6a baino lehen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.jpg)