Haur eta nerabe txiroentzako udal politikak lantzea eskatu du Amurrioko PSE-EEk

Aitor Aspuru Saez 2022ko ekainaren 11

David Romero Campos PSE-EEko zinegotzia. / Aiaraldea.eus

Mozioa aurkeztu du Amurrioko PSE-EEk bazterketa arriskuan dauden haur eta nerabeen inguruko ikerketa egiteko. Halaber, Arartekorekin elkarlanean aritzea proposatu du alderdiak.

Amurrioko PSE-EEk mozioa aurkeztuko du, tokiko erakundeak ikerketa abiatu dezan bazterketa arriskuan dauden ume eta nerabeei buruz. Hori aintzat hartuta, David Romero zinegotziak aldarrikatu du "zeharkako programa sortzea, osasuna, inklusioa, hezkuntza eta haurren kontrako indarkeriaren esparruetan neurriak proposatzeko".

Halaber, sozialistak sustatuko du Amurrioko Udala elkarlanean aritzea Arartekoko Haurtzaro eta Nerabezaroaren Bulegoarekin. Azkenik, Romeroren asmoa da Haur Txirotasunaren Herrialde Aliantzara batzea.

"Aiaraldean umeen eta nerabeen benetako pobreziaren tasa % 3tik beherakoa zen 2008an, eta % 2,2koa zen 2012an. Ondorengo gorakada, ordea, handiagoa izan da beste eskualde batzuetan baino (2014an % 4,4 eta 2016an % 9,1). 2018an tasa % 2,2ra jaitsi ondoren, azken biurtekoan Aiaraldeko tasa % 5,1era hurbildu da", gogoratu dute sozialistek.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide