216 kirolari eta dozenaka boluntario batu ditu Amurrio Trail Lasterketak

Txabi Alvarado Bañares 2022ko ekainaren 19a

Indartsu itzuli da Amurrio Trail Lasterketa Euskal Herriko kirol proben egutegira, bi urteko etenaldiaren ostean. Ekimenaren IX. edizioa izan da aurtengoa eta, aurrekoetan bezala, eskualdeko zein eskualdetik kanpoko ehunka kirolari animatu dira norgehiagokan parte hartzera.

Zehazki, 91 kirolarik hartu dute parte 15 kilometroko proba laburrean, eta 125ek, aldiz, 31 kilometroko ibilbide luzean.

Goizeko bederatzietan abiatu dira parte hartzaile guztiak Juan Urrutia plazatik, Juan Antonio Alañaren adarraren soinua entzun ostean. Eguraldia lagun izan dute lasterkariek, eguzkia egin arren, atzoko euriteek tenperatura nabarmen jaitsi dutelako gaur goizerako. Hala ere, erronka gogorrari egin behar izan diote aurre, Aiaraldeko hainbat mendi igo eta jaitsi behar izan baitituzte.

Kirolariez gain, dozenaka herritarrek ere jarri dute alea proban. Hainbat bizilagun aritu dira boluntario lanetan, ibilbideen hainbat puntutan zein hornitokietan.

Hemen ikusi daitezke lasterketa laburreko sailkapenak eta hemen, aldiz, luzekoak.

Kirola Amurrio

Erlazionatuak

31 kilometroko probako sailkapenak

15 kilometroko probako sailkapenak

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide