Mikel Alvarok bere kirol ibilbidea luzatuko du Club Portugaleten, Fernando Amorebietaren eskutik

Fernando Amorebietaren eskutik heldu da Portugaletera amurrioarra. / Club Portugalete

Futbol jokalari amurrioarrak aro berria hasiko du 2022/2023 denboraldian Club Portugaleten. Azken urteotan SD Amorebietan jokatu du eta, hori baino lehen, nazioarteko taldeetan aritu da.

Mikel Alvarok futbolaren munduan abentura berria abiatuko du Club Portugaleten. Talde bizkaitarra 3. mailan lehiatuko da, baina izen ezagunak batu ditu bere proiektura. Izan ere, Fernando Amorebieta da kirol zuzendaria eta Patxi Salinasek berriki iragarri du entrenatzailea izango dela.

Zerrenda horretara gehitu dute Mikel Alvaro. Jokalari amurrioarrak ibilbide luzea egin du futbol profesionalean eta Amurrion, Barakaldon, Denián eta Lleidan egon da 2. B mailan, Numancia 2. mailan eta nazioarteko hiru taldetan: Dinamo Tbilisi Georgian, Inter Bakun Azerbaianen eta Auckland Cityn Zelaanda Berrian. Hori bai, Portugaletera joan baino lehen, bost denboraldiz egon da SD Amorebietan, non 2. mailarako igoera erdietsi zuen.

Portugaleteko klubak nabarmendu du oraindik oso gai dela jokatzeko eta erasora jotzeko kirolari egokia izan ez ezik, esperientzia ere eramango duela aldagelara.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide